في شعب بالعالم يضحي بنص معاشه علشان يركب سياره يقز فيها في شعب بالعالم يشرب قهوه بدينارين بكوفي شوب وما عنده الا جم دينار يقزر فيهم لي اخر الشهر
( بتموت يعني اذا ما شربت قهوه شفيه النسكفيه)
في شعب بالعالم يسافر باقساط ؟
في شعب اكلهم كلا مطاعم
في شعب بالعالم يلبسون قحفية تحت الحجاب لووووول
في شعب بالعالم البنت فيه تروح الصالون 9 ايام بالاسبوع
في شعب بالعالم يتجمع كله بمجمع واحد بيوم واحد
( اذا عندك احد مضيعه او مو لاقيه او تطالبه فلوس وما يرد عليك روح الافنيوز يوم الخميس تلقاه)
في شعب بالعالم كل فرد فيه عنده خبره بالسياسه والانتخابات والبورصه والرياضه والموضه والسيارات وما عنده أي خلفيه علميه عن أي شي ثاني
في دوله بالعالم شعبها كله يسافر بالصيف وتصير الديره صخه
( ويقولون ما اكو احلى من ديرتنا)
في شعب بالعالم لمن يرد من السفر كل البنات على خشمهم لزقه ومسوين عمليات
( جنه الختم مو عالجواز عالخشم)
في شعب بالعالم ما يلبس الا ماركات واذا شاف ماركت غيره قال عنها تقليد ؟
في شعب بالعالم الشباب كلهم مجسمين ؟
في شعب بالعالم شبابهم كلهم يسوقون مواتر
في شعب بالعالم كل ما تهاوشت مع واحد فيهم قالك اوديك ورى الشمس انت ما تدري قاعد تكلم منو
( شنو الديره كلهم واصلين )؟
في شعب بالعالم ثلاث ارباع بناته باقل من سنه صارو يتكلمون مثل حليمه وتقولك انا من زمان جذيه ؟
في شعب بالعالم البنات يقولون الشباب مو كفو والشباب يقولون نفس الحجي ؟
في شعب بالعالم مافي احد يعرف يسوق سياره الا واهوا يتكلم بتلفون؟
(عاد هاذي صج)
في شعب كل ما شاف بنت بالشارع قال انا مكلمها !!
(الحمدالله والشكر نقص)
في شعب بالعالم البنت ما تطالع الريال الا علشان سيارته ؟
في شعب بالعالم يهدون بيوتهم وتصير مهجوره بالشتى ويعيشون بالبر!!!!!!!!
اكو شعب بالعالم كل بيت فيه يمه طراد وبانشي وسيكل وجت سكي ؟
في شعب بالعالم بالمرحله الابتدائيه ما عندهم سقوط ونجاح ؟
في شعب بالعالم عندهم شهاداة ثانويه وجامعية و ما يعرفون انجليزي ولا لغه عربيه
في شعب بالعالم اللي يقطونه بالزباله اكثر من اللي ياكلونه ؟
في شعب بالعالم تسأله شنو هوايتك يقولك يا كل شي او مادري ؟
في شعب بالعالم نسبة الطلاق فيه اكثر من 55% ؟
في شعب بالعالم بناتهم ينسون مخداتهم على روسهم ويطلعوون
في صبي تسأله شلون تبي مرتك يقول ستايل وتعرف تلبس وعندها موتر ( تبي تتزوج ولا تصور فيديو كليب؟)
في شعب بالعالم يتطنزون على بعض واذا مالقو احد تطنزوا على روحهم؟
في شعب بالعالم الكل عنده موبايلين حتى خدمهم؟
في شعب بالعالم مخالفاته كل شهر اغلى من قسط سيارته ؟ في دوله بالعالم من اكبر الدول المصدره للنفط وما عندها كهرباء
( نبيه اخضر الظاهر الوزير عرباوي) !
في دوله بالعالم يطالبون بأسقاط القروض ؟
إي في ....
الشعب الكويتي
*** الله يهدينا ويصلحنا ***مـــــــســــــعل بــــوشــــــهـــــــر
الجمعة يوليو 03, 2009 5:12 pm
